Pongah

Dé… Ngudiang madé pongah?
Ngawai peragat mamunyah
Sijalané mesuang utah
Meli nasi tusing mayah

Dé… Ngudiang kaliwat pongah
Natakang lima ngorahang layah
Ngelésang celana masi tusing mayah
Tusing merasa awak tusing ngelah

Dé… Sud ja pongah
I bapa suba gedeg nepuk madé punyah
I mémé pisné suba telah
Tiang suba kenjel mayah utang ulian madé ka komplék tusing taen mayah

Oleh I Nyoman Alit Suwarbawa
Singaraja, 18 feb 2010

Mati Jalan Mulih

Mati mejalan mulih
Madandang sareng nyamane sane catur
sampunang lipia tekaning I embok lan I beli taler I adi sane catur lakar jagi ngalih galah,,,

Hidup malajah Mulih
malajah ngayah tekining I Dewa
agamane anggo gegaman hidup
sastrane melahan apang tepuk jalane mulih

Lemah lan peteng sampunang lipia
lipia tekening dewek
lipia tekining Idewa
Matur tekening I dewa mangda sami nemu kerahayuaan jagat
matur tekining I dewa mangda iraga anut adung sareng nyamana nyalanin jagat

Lemah peteng ka tongosin
tan kacingak wiyadin karasayang
Ingetang Ista Dewatane,, ento anggo ngalihin
alih nyamane catur tur matur,,,apang metemu sareng mbo lan I beli,, ring paempatan agung
lan mejalan madandan sareng-sareng mulih....